كان قلبي لك مدينة

من طرف khaled307 10/9/2008, 4:44 pm

كان لك قلبي مدينه ولاحظ إني قلت : ((كان))ا
يعني إنتَ الحين واحد ((خارج حدود المدينه)),,ا

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه,,

ما ألومك كان قلبك ثـارت أمواجـه وخـان
الخطا منَّي لأني صرت فـي بحـرك سفينـه,,

والسؤال اللَّي كتمته وما نِطَـق فيـه اللسـان
كيف إيدك إطعنتني وآنـا أحْسِبْهَـا أمينـه ..؟

جرحي ما يرضيه قلبك لو يجي كلِّـه حنـان
لو تبوس الجرح فينـي ولـو تقبلهـا إيدينـه,,

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه,,

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه,,

كنت تخطي وكنت أسامح مرَّه مرتين وثمـان
أغفر الزله عشانـك وأكتـم أنفـاس الغبينـه,,

كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينك وبينـه,,

في عيون الناس عادي بس في عينـي جنـان
وكان قلبي من يشوفك تفضحه نظـرة حنينـه,,

ماني أوَّل من يحب ومنتَ آخر شخص خـان
المحبه في زمانك بحرهـا مـن غيـر مينـه,,

الفشـل .. كـان النتيجـه وأعتقـد آن الأوان
أبني مستقبل حياتي وأنسى قصتنـا الحزينـه,,

وخطوتي الأولى غيابك وراح أطبقها عشـان
يبكي قلبك لا فقدني والنـدم .. يملـي سنينـه,,

جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه,,

قلت لك قلبي ( مدينه )فيها لك حشمه وشـان
لكن إنتَ الحين أغرب شخص في هذي المدينه,,