لبنان داخ الكون بترابـــــــو

من طرف sami 9/11/2008, 7:10 pm

لبنان داخ الكون بترابـــــــو
والناس كلها بتحسب حسابـــــو
جبالو قراب للغيمة العلــــية
أساسات السما الرحمن جـابــــو
ابنو الكرز بنتو مش صبيـــــة
أرزة مختيرة تمجد شبابـــــــــو
بيو العلم إمو الابجديــــــــة
الحضارة اخت فلسفتو وكتابــــو
تعا ياكل لبـــناني ياخيــــي
وطنا نعالج ونعرف شو صابـــــو
تعا ننسى جروح الطائفيــــــة
اللي فينا فرقوا وعملواحـرابو
كفانا تفرقة بدين وهويــــــة
البلد عم يكبر علينا مصابــــو
الواجب نتحد عن طيب نيــــــة
وندعم جيشنا ونلبس ثيابـــــو
الوطن مش مرجلة بالألكثريــــة
اذا بيفرقوا ونسيوا حبابــــو
ولا فيها مرجلة بالأقليـــــــة
حركتو يعطلو وتفضى جـــــيابو
الوطن مجروح بيكفي أذيـــــــة
وحتى يضمدوا جروحو صحابــــــو
الوطن للكل بيساع البقــــيـة
اذا بيلتف حــول الجيش شعـــبو
بيرجع بيرقو يعانق سحابو

من كل لبناني و لبنانية لكل عربي من القلب طالعة أجمل تحــيــة
عز ترابك يا لبنان
يا أجمل ما خلق ربي فيها من بستان
لبنان داخ الكون بترابـــــــو Jnoub7