يا عمري انا

من طرف sami 15/2/2009, 12:12 am

همستْ برمشْ العينْ همسة بالخفا بكلمة ْ سمعها القلبْ مليانة ْ دفا

بكلمة ْ نَطرتا شهور أطولْ منْ عُمرْ شهور إنسرقْ منْ ليلها طعمْ الغفا

بنظرة ْ وبغمزة ْعَينْ غـَمرتنيْ غـَمرْ ما بينْ رمشْ ورمشْ تالبردْ إختفى

منْ بعدْ ما ملـِّيتْ نهداتْ الصَبرْ تفتحْ دربْ مسدودْ بحجار الجفا

وقِلـْتْ القـَدَرْ تخمينْ ,هُوْ ذات القـَدَرْ زَوَّدْ جَرحْ ع َ جروحْ ما منها شِفا

حِسِّيتْ وجّ ْ النور بِ ليلة ْ قـَدِرْ مشْ بالسما , بعيونْ أصفى منْ الصفا

بعتتْ حكيْ وكِلـْماتْ عمتبرقْ سِحِر شِفتا لصوبيْ جِايْ عمتكرُجْ حفا

قالتْ إذا بتحبْ فيْ عنديْ قـَصِرْ مخبّى بقلِبْ لو حَبْ, بيحب بوَفا

فيّو حديقة ْمطعمِّة ْ بأحلى زَهِرْ حيطانها منْ بعيدْ , بسْ الْ شايـِفا

زهورا إلكْ تتشمها , نفحة ْعِطِرْ رِقـَّة ْ ودفا وتحْنانْ , أوعكْ تـُقطفا

هـَودِيْ إلكْ , بتدومْ ما دامْ المطرْ إسقيها غـَزْل معسولْ حتَّى تِنـْصِفا

سقيها بتمكْ هَمسْ أشهى منْ الخمرْ يالله ْ اسكبو كاساتْ حتى إرشِفا

وهيدا الـْشِعرْ رعبونْ عَ بوابْ السَكـَرْ لكنْ إذا ما بفوتْ عَ قلبكْ أنا

نهور الوحيْ كرمالْ عَينِكْ بغرفا

من كل لبناني و لبنانية لكل عربي من القلب طالعة أجمل تحــيــة
عز ترابك يا لبنان
يا أجمل ما خلق ربي فيها من بستان
يا عمري انا Jnoub7

جمالك و خضارك و مناخك جنن الكل
هيدا لأن اسمك غالي و رح يبقى عالي يا لبنان

من طرف mare elena 15/2/2009, 12:43 am

سامي كم كنا متشوقين إلى مواضيعك
وها قد اليوم عدت لنا كي تنقش احلى النقوش وترسم احلى اللوحات وتكتب اروع الكلمات
اياحزن ابتعدعنــــــــــي ودع جرحي يزل همـــــــــي
واني بك يا حزنـــــــــي غيــر العذاب لا اجنــــــــــــي
ايا حزن مالك منــــــــي؟ الاترى الذي بي يكفينـــــــــــي

من طرف rasha 15/2/2009, 11:58 am

بوشي ربيع الشعـر زهّـر واغتنـى
وغنّى شعـري بكـل وادي ومنحنـا
ويا شتي يا حارمنا من نوم الهنا
ريحك ورعـدك عـم ينـادي للفنـا
وان كـان غيمـك بجناينـا اعتنـى
ومن خير دمعـك كـل غصـن بينحنـى
بتبقى انت رمز القساوة والعَنا
وببقى انا رمز الليونة والغِنا
وانت جايي تتباهي عا أيّا بِنـا
ومن عتمك مـش ممكـن يطـل السَّنـى
وانا النّور العـم يشـرق عليـك
وبـلاي مـش ممكـن تـشـوف الجَـنـا

من طرف موسى 15/2/2009, 4:32 pm

سامى كم هو جميل ماخطته أناملك هنا
لقد صورت الحب والعشق والعنا
ورسمت لوحة فيها الأمل لمشارفك قد دنى
وطوقت الحنان بأكليل من العطر والشذى
فتقبل تحيتي وقوافل من السرور والهنا

من طرف الأستاذ أحمد 16/2/2009, 10:49 am

ما أجملو منتدى التميز الحبيب
يلي الغريب بكلمتو صفّى قريب
وانا الي على غصوني غنّى العندليب
بلاي جرح الهوى مش ممكن يطيب
ومن هيك جاي اسال الفكر اللبيب
عن الحب الي شمسو مش ممكن تغيب
وانا معكن بغنّي على الغصن الرطيب
بحاوركن بحنكة محامي وخبرة أديب
يلا سامي تا نغني زجلنا للحبيبة والحبيب

من طرف sam 16/2/2009, 2:37 pm

يا سامى الدمعة فيك تطفيها
لكن الجروح مين بدّو يداويها
صاير الناس كل شي بيجافيها
بتنوح بقولو عم تغنّي أويها
بس لو بيعرفو القلوب شو خافيها
من الحزن العيون دموعها بتعميها
الأوراق بالخريف بدها مين يغطّيها
وغيوم الشتا بدها مين يرويها
ولمن بفوت عالزجل والتحدّي
الدني بيتغير كل شي فيها

من طرف عمر 17/2/2009, 8:21 am

أكتب له يا أيها القلم
و أخبره أن القلب يفخر بهواه
و العين تشتاق لرؤياه
و في دلال فؤادي
يتمايل عند ملقاه
و أخبره أنه في القلب خالد
و القلب أبدا لن ينساه
برفو سامى ابدعت

من طرف امال 18/2/2009, 10:26 pm

قصدنا المنتدى تـا نكتـب اجمـل حـوار
ونبـدّع بالشعـر بكـل عـزّة وافتخـار
قلـت الحمـد لله بـكـل هيـبـة ووقــار
ورفعـت رايـات التـحـدي والانتـصـار
وسامى الـي شعره مـن اتقـل عيـار
كبيـر بالشعـر ومتله نحنـا كـبـار
ولكـن لمـا لقيـت قبالـي كومـة حجـار
تجاهلت التحدّي ومـا اعطيتـو اعتبـار
وراجعة تا اكتـب كرمالـك يـا سامى
ونسكـب بلـون التحـدي اجمـل اشـعـار
وانا العشقوني طيور البلابل والكنار
وما فارقـوا غصونـي لا ليـل ولا نهـار
وبكتـب لعيونـن شـعـر وبهـديـن زرار
مـن جنـة روحـي وحـدايـق هالفـكـار
ولـو جـرح قلبـي ع اخـر نــزف صــار
ببقى وراق خضـرة مـا فيهـا اصفـرار
وهيك لونـي مـا ببدلـو طـول الحيـاة
ولـو صـار عمـري بنهـايـة المـشـوار

من طرف سمر 19/2/2009, 11:02 pm

سامي كم يسعدني ان اكون من الحاضرين على مثل هذه الصفحات وهي بستان اخضر مليء بجميع انواع الزهور وله رائحة مميزه عن باقي البساتين هو بستان حروفك العطر الذي دائماً يرسم إلى كل قارء لكلماتك البسمة لما تتميز به من حسن عرض واختيار كلمات من ذهب فهنيئاً لنا وهنيئاً إلى كل قارء لكلماتك

من طرف حنان 20/2/2009, 6:59 pm

اكتب يااقلم
روعة الاداء
والبيان
اكتب يااقلم سلاسة الاداء
اكتب يااقلم
اني ارتويت حتى الثمالة
اكتب يااقلم
ان هذا المداد يسكب
الروعة والبهاء
واكتب يااقلم
اني دخلت وخرجت مجبرة
لان هذا القلم اسرني
بروعة كانت منتهاه
كل الامنيات لك سامى بالتألق دوما

من طرف sami 22/2/2009, 10:30 am

احبتي إسم له في النفس وقع جميل أريد أن أصفه
كمن إستقر بواحة بعد سير مضنٍ في الهجير
أشكر لكم تشريفكم لي بهذه الزيارة الخفيفة الناعمة
كحلم من الأحلام جميلة

يا عمري انا

يا عمري انا

رد: يا عمري انا

رد: يا عمري انا

رد: يا عمري انا

رد: يا عمري انا

رد: يا عمري انا

رد: يا عمري انا

رد: يا عمري انا

رد: يا عمري انا

رد: يا عمري انا

رد: يا عمري انا