عاق بوالدته.............

من طرف الليـ همس ـل 26/8/2007, 11:04 pm

السلام عليكم ورحمة الله وبركاته

المرة هاي ما عندي مقدمة لهاي القصة

لاني قرأتها وحابة انفذ وصية اللي نشرها

وهاي القصة كما نقلتها لكم

تعالوا بخبركم سالفه صجيه مستويه في بوظبي السالفه سلمكم الله

اثنين من الشباب..من فتره مب طويله... يعني جريب...شلوا عشاهم و ساروا يتعشون في شاطئ الراحه في بوظبي... يتهم حرمه عيوز و يلست تلقط من الاكل المتنثر...قالولها يدوه انت يوعانه...قالت هيه انا من الصبح هنيه و ما كليت شي... قالولها انزين شو يايبنج هنيه؟قالت ولدي نزلني و بيرد عليه.... المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز بروحها فالليل... قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب
"من يجد هذه المرأه يأخذها لبيت العجزه" انصعقوا الشباب من اللي مكتوب...و يلسوا ساعه يترجونها انها تسير معاهم.... لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان ولدها بيي ياخذها"مسكينه ما تدري بحقارة ولدها" المهم....روحوا عنها الشباب.... واحد منهم ما رضي يرقد....يتجلم و يفكر فيها..... لين ا استوت الساعه 2 في الليل...نش من على الشبريه و لبس ثيابه بسرعه... و سار الشاطئ....شاف اسعاف و شرطه...هجم بينهم و سألهم عن الحرمه... قالوله توفت...ارتفع عندها الضغط و ماتت... ارتفع عندها الضغط على حسرتها على ولدها...تتحرى ان صار له حادث او مكروه... الله يرحمها برحمته...مسكينه... كتبت ها الموضوع بس عشان يشوفه ولدها على الانترنت...و اما حاسه ان بيشوفه... ارجوكم ساعدوني و انشروا ها الموضوع... بس كلمه ابغي اقولك اياها....انت ما تخاف من ربك؟ شو عندك اهم من امك اللي ماتت من خوفها عليك...؟ وانت فارنها مثل ......ال تعرف اختي شو قالت يوم سمعت السالفه؟ قالت ليش ما يابها عندنا؟ نحن نباها بنحاظيها و بنرعاها.. هاي الغريبه جيه تقول..و انت الابن شوف شو تسوي.... الله بيراويك...الله فوق و يشوف كل شي... الرجاءنشر القصه لكل من لديه قلب ورحمة
وحتى لو ترسلونه كبريد الكتروني
لكل من فكر يوما في العقوق بوالديه .. لعله يتراجع ويهديه الله أرسلوها قد تصل الرسالة لهذا العاق .. ليعرف أن والدته ماتت حزنا وغما عليه .. ليدرك أنه قد خسر تذكرة كادت أن تدلخه الجنة من أوسع أبوابها .. فرضى الله من رضى الوالدين الله يرحمها ويحسن إليها هذا الموضوع لكل من يفكر يوما فى عقوق والديهالله يهدينا ..

اتمنى اتمنى انكم تنشرونها حتى توصل لهذا الابن العاااق