كلمتني وأسمعتني صوتها

كلمتني وأسمعتني صوتها
قبل زفتها بدقايق

قالت حبيبي بودعك وبعطيك من وقتي دقايق
ودي اسمع صوتك حبيبي
ودي أنسى كل شي وأبقى مع صوتك حبيبي

ما قدرت انطق ولا أتكلم
ما عرفت بها الظروف شو أقول

كنت دايم اسمعّها ضحكتي
كنت دايم أشاقيها بلهفتي
واليوم جاتني تعذبني وتسمعني صوت الدفوف

قالت حبيبي هذا صوت أم العريس
تنادي عليه وتقول يا الله تعالي عجلي

ودي يا علي ها الحظه تطول
وأبقى مع صوتك دهور

وين راح الحكي مني ؟؟
وين ألقى الحروف ؟؟

قلت ارحلي عني والحقي صوت الدفوف
واتركيني بوحدتي انسج أبيات الحروف
يمكن ألاقي مع الوحدة صدى للي بقول

قفلت وراحت وأنا وحدي .. ويملى مسمعي صوت الدفوف
صوتها بعثر أوراقي وخلاني مع همي نطوف
بين الشوارع و المداين ننتظر موكب عروس

قلت يمكن تلتقي بهالحظه العيون
وانتحاكى ما بين كل الخلق بعيون ودموع

للأسف ما كنت ادري ان قلبي بها اللحظة يحتضر
وكان الكفن صوتها والدفن موكب عروس

شلت قلبي وسط كفي ورحت امشي
أدور مقبرة ادفنه فيها وأستريح

شفت كوشتها منصوبة على أعلى الدرج
وانحنيت احفر وادفن القلب الجريح

شفت في الحفرة قلبها مدفون
وانكتب في وسط قلبها كلمتين

حبيبي مستحيل يعيش
في ها القلب غيرك مستحيل