جسد احتوى روحين

من طرف زائر 5/10/2008, 10:21 am

أبيات سلبت عقلي بروعتها

جَسدِ آحِتووُىُ روُحِينُ

جسد احتوى روحين OgK56460

تذكر يوم اقولك جسد يحتوي روحين
واوعدك ما أخليك وتوعد ما تخليني؟

أذكر يومها أشوف بالدنيا بس أثنين ..
قلبي اللي يحبك وقلبك اللي يحويني

بعدها بأيام شفت ايدك تحتضن ايدين
وانصدمت يوم شفت انها غير ايديني

سكت لجل خاطرك وقلت مرحبا بالزين
مرحبا باللي القلب لجله حيل كاويني

مر يوم واسبوع وشهر وبعدها شهرين
وهو لازال مايدري بأني شفته بعيني

وأخاف اني أقوله له خاين وينجرح بعدين
واخاف أسكت وبسكوتي صمتي حيل يشقيني

جسد احتوى روحين Tdb57187

واجهته وانا ابكي والعين تحتضن العين
سألته : ليه تنساني ؟ ولا ماكنت تغليني

سكت ولفّ عني وخبى وجهه بالإيدين ..
اللي كانت تحضني وغيرها ما تدفيني

سحبت وجهه ومسحت الدمع على الخدين
وقلت له والله أحبك ولو انك تخليني ..

سكت فتره وقال لي : لازلتي تحبين
بعد اللي تشوفينه لا زلتي تحبيني

ابتسمت وقلت أجل ماعرفت للحين
اني أحبك حيل واللي يرضيك يرضيني ..

سكت فتره وانا أعاود فرحة بقت لسنين
وتركته وتركت حبه اللي بقى فيني

وصارت الدمعة اذا هلّت أقول أهلين
والبسمة هجرتني ونست دربها فيني ..

جسد احتوى روحين IUn55384

بعدها بأيام سمعت خبر والله شين..
سمعت انه مات وهو يطلب يلاقيني

ويوم اني رحت.. وصيته لي بورقتين
الأولى بها أسمي كتب بدمه يغليني ..

والثانيه يقول فيها: أبي اوضحلك شيئين
الأول أحبك حيل وماسكن غيرك شراييني

والثاني أمانه لا جيتي لأهلي تعزيّن
لا تنزل دموعك لي طلبتك لاتَبْكِينِي

كل اللي أبيه انك بالخير لي تدعين
وانك بالشهر مره بقبري تزوريني ..

واللي أبيك تعرفيه ومهم انك تعرفين
اللي شفتيها معي كانت بموتي تبشّرني

انا اللي خليتك من كيفي عني تبعدين ..
لجل ما ينجرح قلبك بلحظة موت تحويني

تكفين لا تظنين اني خنتك يا الغلا تكفين
واذا لازلتي تحبيني دايم بالخير أذكريني ..

سكت وقلت : ياليتني ظليت معك يازين
وشفت الموت ياخذك مني ولاكذا تخليني ..

تظنون اني نسيت أو الدمع جف بالعين؟
لا والله الين اليوم وهو معي يخاويني

جسد احتوى روحين Yd557187