شعر "رسالة إلى حبيب قلبى "

من طرف سلمى 23/9/2007, 8:11 am

رســالــة إلى حبيـــــــــب قلــــــــــبى
*******************

بعد ماكان قلبك دوانى

رجع بايده جرحنى تانى

بعد ده كله تقولى إنسانى

بعت لى رسالة تقولى وداع

صدقنى بعدك عنى ضياع

ياريت قلبك يكون سامعنى

قلبى بيقولك ياريت ترجع لى

كنت قولى 000ولا إسألنى

كان أهون من بعدك عنى

كنت هأجاوبك 000 بكلمة أحبك

ليه سيبتنى من غير ما تودعنى

لو كنت سامعنى يا ريت ترجع لى

ليه تاخد قرارك لوحدك

أنا عمرى ما جيت فى يوم جرحتك

ده إنت كان فرحى فرحك

قلت لى بلاش تكتبى عن الشجون

دلوقتى أنا اللى إتكتبت عليا الشجون

إزاى كده بسرعة هونت عليك

وأنا كنت عصفورة بين إيديك

حبيبى والله حرام عليك

إزاى قدرت تقتل قلبى بإيديك

ده أنا كنت بأعشق سهر لياليك

كان لازم من غير ما أقولك

تعرف لوحدك إنى بحبك

حبيبى إرجعلى

لقلبى إرجعلى

لحبى إرجعلى

لعشقى إرجعلى

لفرحى إرجعلى

لسهرى إرجعلى

يا عمرى إرجع لى

إنت نبع الحب

إنت نبض القلب

إنت كــل الــحــــــــــــــــــــــب

تعال حبيبى حبيبى خد إيدك بين إيديا

صدقنى حبيبى حبنا صعبان عليا

دلوقتى قلبى بيسألنى ليه حبيبى بعد عنى

من غير سلام ولا وداع رحل وهجرنى

يا ترى هيرجع فى يوم من تانى يسأل عنى

يداوى بإ يده جرحه اللى ألمنى

إنت زرعت فى قلبى فرح

حصدته أنا لقـيته جرح

يبقى أكيد إنت كنت ناوى تسيبنى

بعد ما نار حبك بها تعذبنى

ليه حبيبى عايز تنتقم منى

أنا عمرى ما جرحتك فى حتى غصب عنى

شوف جرى لى فى بعدك إيه

بعدك إنكسار

هجرك إنكسار

وداعك إنكسار

رحيلك إنكسار

من بعدك عيونى بالدمع سالت

وعيونى من غير رؤية عيونك ما نامت

يا ريت قلبك يكون سامعنى

قلبى بيقولك ياريت ترجع لى

هذه رسالة إلى حبيب قلبى اللى بعد ورحل وما ودعنى