شعر شعبي جزائري رومنسي جدا جدا

عليك بالهنا والضمان

عليك بالهنا والضمــــان ما نزيد نديرك في بالــي

ما نزيد ندير فيك الأمــان يااللي ضنيتك غزالــي

عاهدت نفسي في دالزمـان وعظمت الله العالـــي

ما توجدي حتى إنســـان يشبهلي ويكون بحالــي

لو تقطعي بحور و ويــدان ما تزيدي تشوفي خيالـي

ما بقاشي خلاص المكتوب نصيبك بيدك قطعتيــه

قطعتي كم من ثوب وثوب وخنت الملح اللي كليتيـه

كنت ضانك أنايا محبوب شربتي في كاسي وبدلتيـه

خلفتي قلبي معطــوب الشر اللي درتيه اتصيبيه

بقدرة علام الغيــوب يجرالك اللي جرالـــي

كنت ضان قلبك ليا قلبي صافي ليك اهديتـو

تمشيت معاك بالنيـا سري عليك عمري خبيتو

قلت أنا أنتي عينيـا وخلي الحساد يموتـــو

ما عندي غير أنتيـا سري عليك عمري خبيتو

كي دارت لإيام عليا رحتي بالنية خدعتينــي

كنت ضان قلبك مسلوب مطلوب تكوني خفيفــة

صدقتي كي الضبع المكلوب معيشتو في فريسة جيفــة

قال عليك سيد المجـدوب مولى حكمة ومعرفـــة

لوكان تطيري بالجنحـان وتتوصفي على صورة حمامة

وطلعي لجبال وكيفــان ما يرضاو اعليك أمثالـي

كلااااااااااااااامك رائع وشعر حلو بزاااااااااااااف

يعطيك الصحة على هيك مشاعر واخاسيس

شكراااااااااااااااا
انا اعتبرو ادرااااااج في القمة

مشكورة نينا على هذا الإدراج الرائع

تقبلي مروري

مشكورة نينا شعور حلو في كلمات ما ستوعبتها كتير بلتوفيق انشاالله